Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Tui celebra este domingo o Día das Letras Galegas coa XXVII Feira do Libro Galego na praza da Inmaculada. Este ano contará cunha decena de postos de venda de libros a cargo da Libraría Nobel Espazo Lector de Tui e cun amplo programa de actividades ao longo da xornada.
Ás 12.00 h terá lugar a lectura do pregón a cargo da poeta de Valença e animadora de diversos clubs de lectura da zona do Minho, María José Areal.
Mañá venres, 15 de maio, ás 21 h o Teatro Municipal de Tui acolle a estrea da obra de teatro amador “Tres porquiños” do grupo de teatro Chirlomirlo da asociación cultural Xuntanza de Randufe. Esta obra estaba prevista para o pasado mes de abril dentro da programación da Semana de Teatro Amador das Festas de San Telmo, pero tivo que ser adiada.
Mañá venres, 15 de maio, ás 19 h, inaugúrase a exposición “Reflexións coa voz tapada” Xulio M. Sigüenza. A mostra poderá visitarse na Sala Municipal do Edificio Francisco Sánchez de Tui até o 30 de maio.
Mañá mércores, 13 de maio, celebrarase a décimo sétima edición de “Tui Le”, unha iniciativa promovida pola Biblioteca Pública Municipal de Tui xunto coas bibliotecas escolares dos centros educativos de Tui. Trátase dunha xornada de actividades arredor do libro e a lectura que se celebra anualmente.
Até o venres, 5 de xuño, pódense presentar as solicitudes para a realización das fogueiras de San Xoán tanto en espazos privados coma públicos. Nun bando da alcaldía infórmase das normas e condicións de seguridade para a realización das cacharelas.
O historiador Bieito Alonso vén de facer entrega esta mañá ao Concello de Tui dun conxunto de cartas escritas por Francisco Rodríguez Otero dirixidas á súa familia. Esta colección epistolar de Francisco Rodríguez Otero, dirixente político no Baixo Miño e paseado en outubro de 1936, dende a prisión no Seminario de Tui, será depositada no Arquivo Municipal tudense.
O próximo mércores 6 de maio, ás 17.30 h, comeza a programación de Tui en Letras 2026 co obradoiro “Cal é o teu libro favorito?”, impartido pola ilustradora afincada en Tui Aida Alonso. Será na Sala Xacobeo do edificio Francisco Sánchez.
Este obradoiro vai dirixido a nenos e nenas de 6 a 12 anos, e consistirá en elaborar pequenos personaxes lectores con papel. Serán figuras tridimensionais, que reflectirán cales foron as lecturas preferidas dos e das participantes, buscando así reflexionar cos pequenos e pequenas da casa sobre os mundos que descobren a través dos libros.
Dezasete actividades conforman a programación “Tui en letras” que se vai desenvolver ao longo dos meses de maio e xuño.
Hoxe, 23 de abril, coincidindo coa celebración do Día do Libro, a concelleira de Cultura do Concello de Tui, Sonsoles Vicente Solla, vén de presentar diversas melloras realizadas na Biblioteca Municipal tudense co obxectivo de incrementar a calidade do seus servizos.
Así por unha parte o Concello procedeu á renovación do equipamento informático de uso público con tres novos ordenadores de sobremesa e tres portátiles á disposición dos usuarios da Biblioteca.
Mañá xoves, 23 de abril, ás 11 h, no edificio Francisco Sánchez, terá lugar a presentación de Play Doc 2026, o Festival Internacional de Cine de Tui que se vai celebrar do mércores, 29 de abril ao domingo 3 de maio na cidade.
Na presentación participarán o alcalde, Enrique Cabaleiro, o director da AGADIC, Jacobo Sutil, o deputado de Cooperación Transfronteiriza e Relacións Institucionais, Roberto Álvarez Carrero, a responsable da programación da sección Galicia, Beli Martínez, e o codirector do festival, Ángel Sánchez.
