Mañá venres, 26 de xuño, ás 20 h inaugúrase na Sala Municipal de Exposicións a mostra “Camiño á Catedral”, na que a artista tudense Rosa Mª Vila recolle unha escolma de trinta obras en plumilla, plumilla acuarelada, lapis… dedicadas ao templo catedralicio.
O Espazo Sociocultural, da rúa Camilo José Cela, acolle este mércores, 24 de xuño, a partir das 19 h a conmemoración do aniversario dos Xogos Florais de Galicia, coa presentación dun libro e cun espectáculo de poesía e música.
O Concello de Tui promove, un ano máis, a conmemoración do que foi o primeiro acto público celebrado integramente en lingua galega na etapa contemporánea que se celebrou no Teatro Principal tudense entre o 24 e o 26 de xuño de 1891.
O Concello de Tui conmemora o aniversario dos Xogos Florais de Galicia, primeiro acto público celebrado integramente en lingua galega no Teatro Principal tudense entre o 24 e o 26 de xuño de 1891.
Será o mércores, 24 de xuño, no Espazo Sociocultural da rúa Camilo José Cela:
O Concello de Tui pon en marcha o Verán Cultural 2026, cunha programación que se celebrará do 3 de xullo ao 22 de agosto. Abarca festivais de música, cinema ao aire libre, danza, gastronomía popular, bandas de música e eventos internacionais. Con máis de vinte actividades, esta edición consolida Tui como un referente cultural da provincia de Pontevedra e da Eurocidade Tui-Valença.
Os Sambenitos da Catedral de Tui son pezas únicas que este días se poden visitar en Ávila na exposición “Historia, Memoria e Infamia” que foi inaugurada esta mañá na Sala de Exposicións do Auditorio Municipal de San Francisco.
O acto contou coa participación do alcalde de Tui, Enrique Cabaleiro, do alcalde de Ávila, Jesús Manuel Sánchez Cabrera, das concelleiras de Turismo de Tui, Ana Núñez, e de Ávila Sonsoles Prieto, do comisario da exposición, Rafael Sánchez Bargiela, e do xerente da Red de Juderías Iñaki Echeveste.
O Concello de Tui edita cada ano libro das festas de San Telmo, no que este ano o 800 aniversario da consagración da Catedral ten especial protagonismo. Trátase dunha publicación de 80 páxinas na que a través de trece colaboracións se abordan tamén outros temas como a figura de San Telmo e a propia cidade. O libro, cunha coidada edición, recolle unha trintena de fotografías antigas da cidade e da catedral xunto a outro amplo número de imaxes actuais deste templo e a cidade histórica da autoría de Gus Abreu.
O Teatro Municipal de Tui acollerá o venres, 20 de marzo, ás 20.30 h un concerto de jazz a cargo de Christopher Pérez Quartet, no marco da programación conmemorativa do 800 aniversario da consagración da Catedral de Tui.
Unha amalgama de sons e estilos musicais resoarán o próximo venres, 20 de marzo, no Teatro Municipal no concerto que ofrecerá Christopher Pérez Quartet, no marco da programación conmemorativa do 800 aniversario da consagración da Catedral de Tui.
Coincidindo co 800 aniversario da súa consagración a Catedral de Tui verá mellorada a súa imaxe nocturna grazas á renovación da súa iluminación artística que pasará a ser máis eficiente. A obra comezará esta mesma semana logo de ser adxudicada por Galicia Suroeste. Suporá un investimento de 176 mil euros que serán financiados nun 80% con fondos do PSTD “A Despensa de Galicia” e nun 20% polo Concello de Tui.
O Concello de Tui presentou por primeira vez unha campaña turística propia, “Tui, Catedral de Historias”, no marco da Feira Internacional de Turismo de Madrid, FITUR. Fíxoo por partida dobre, no estand de Galicia e na sala de presentacións de Turespaña.
