Enrique Cabaleiro González foi investido alcalde de Tui o sábado, 17 de xuño de 2023.
Casa do Concello. Praza do Concello 1. 36.700 Tui
986 60 36 43 | contacto.alcaldia@tui.gal
Mañá venres, 22 de marzo, irá a comisión informativa de Facenda habilitar o crédito por importe de 1.350.816,54€ para as expropiacións para a apertura da rúa Ourense en sentido Norte, e para as expropiacións e obras da Senda do Río Miño de Tui a Caldelas. Este importe será con cargo ao remanente de tesourería.
O equipo de goberno do Concello de Tui remata esta semana coas xuntanzas cos veciños das parroquias para coñecer as súas necesidades. Esta derradeira xuntanza vaise celebrar o sábado, ás 20.30 h, na Casa Cultural Baldráns.
Remata así o ciclo de xuntanzas que o equipo de goberno mantivo cos veciños das parroquias de Malvas, Pazos de Reis, Areas, Paramos, Rebordáns, Ribadelouro, Caldelas, Randufe, Guillarei e Pexegueiro.
Solicitude festas de San Telmo 2019
Do 20 de marzo ao 7 de abril pódese presentar por rexistro de entrada na casa doconcello ou a través de rexistro electrónico a solicitude de instalación de postos e atracción nas festas de San Telmo 2019.
No documento establécense as data de inicio de montaxe e desmontaxe, o período mínimo de estancia así como a data de revisión da montaxe final por parte dos enxeñeiros.
Tui será o punto de partida do Camiño de Santiago en kaiak de mar. Do 18 ao 21 de abril realizarase unha experiencia piloto e a continuación as rutas poranse en marcha de forma estable até outubro, sempre que as condicións do tempo o permitan.
O alcalde, Carlos Vázquez Padín, presentou este mediodía esta iniciativa xunto a Alberto Rocha, promotor da mesma, e Antonio Paz, presidente da Asociación Galega de Kaiak de Mar.
O alcalde de Tui, Carlos Vázquez Padín, amosa o seu malestar pola lamentable situación da antiga oficina da Garda Civil da aduana na vella Ponte Internacional de Tui.
Mañá, 19 de marzo, cúmprense 3 anos dende que un vehículo de matrícula española, sufrira un accidente na madrugada dese día no que quedaba seriamente danada a porta e a estrutura de madeira da oficina que a Garda Civil tiña na vella Ponte Internacional de Tui.
Hoxe luns, 18 de marzo, ás 12 h na casa do concello terá lugar a presentación do Camiño de Santiago en kaiak de mar que se vai realizar o 18, 19, 20 e 21 de abril, con saída dende Tui.
Comparecerán ante os medios comunicación o alcalde, Carlos Vázquez Padín, xunto a responsables desta iniciativa.
Centrar e documentar os procesos de urbanismo actuando no ámbito normativo, nos sistemas de información, nos recursos humanos, e a organización e funcionamento do servizo é o obxectivo da proposta de Diagnóstico e Plan de Mellora do departamento de Urbanismo presentada pola empresa EOSA, que hoxe foi dada a coñecer polo alcalde, Carlos Vázquez Padín, e o representante da empresa EOSA, Manuel Veloso.
Proposta Diagnóstico, procedementos e mellora Dpto Urbanismo Tui realizada pola empresa EOSA
Mañá venres, 15 de marzo, ás 10.00h, na sala de reunións do Concello de Tui presentarase en que consiste o Diagnóstico e Plan de Mellora do departamento de Urbanismo por parte da empresa ofertante, EOSA.
Comparecerán ante os medios do comunicación o alcalde, Carlos Vázquez Padín, e o representante da empresa EOSA, Manuel Veloso.
O equipo de goberno do Concello de Tui continúa coas xuntanzas cos veciños das parroquias para coñecer de primeira man as súas necesidades. Esta semana vanse reunir o venres, ás 20.30h na Casa Cultural de Pexegueiro, e o sábado, a mesma hora, na Casa Cultural de Guillarei.
Nas últimas semanas o equipo de goberno mantivo encontros cos veciños das parroquias de Malvas, Pazos de Reis, Areas, Paramos, Rebordáns, Ribadelouro, Caldelas e Randufe.
