Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
“Coñece Tui co seu alcalde” é o título das tres visitas guiadas ao conxunto histórico de Tui guiadas polo alcalde e responsable de Turismo, Carlos Vázquez Padín. Trátase dun percorrido dunha hora aproximadamente
Mañá venres, 10 de agosto, ás 11h no salón de sesións da casa do concello será presentada a VIII Festa do Miño que se celebrará o sábado, 18 de agosto, ao longo de toda a xornada.
A terceira xornada do cinema de verán será este venres, 3 de agosto, ás 22:15h na Praza de San Fernando coa proxección da película “Coco”. O filme de animación infantil achega a historia de Miguel, un neno dun pobo mexicano que quere ser músico pese a prohibición da súa familia. No Día dos Mortos, Miguel cambia de dimensión por accidente e precisará da axuda dun antepasado para regresar. A duración da película é de 109 minutos.
O venres 24 de agosto proxectarase a última película do cinema de verán, “Ferdinand”
O Concello de Tui convoca 13 postos dobres de venda directa para a VIII Festa Gastronómica que se vai celebrar o sábado, 18 de agosto, de 20 a 00h na rúa Lugo dentro do programa de actividades previstos na VIII Festa do Miño.
Bases de participación e Información da VIII Festa Gastronómica a celebrar o sábado 18 de agosto de 2018 de 20 a 00h na rúa Lugo.
Unha andaina nocturna unirá este sábado, 28 de xullo, os dous principais cumios da Eurocidade Tui-Valença, o Monte Aloia e o Monte Faro, á luz da lúa chea. Será un percorrido de 17 de quilómetros, de dificultade doada, que comezará ás 23.30 hora española no Aloia e rematará entorno ás 5 da madrugada vendo o amencer no Monte Faro. Esta novidosa proposta forma parte do calendario de Andainas Saudables da Eurocidade.
A segunda xornada do cinema de verán en Tui será este venres, 27 de xullo. ás 22:15h na Praza de San Fernando coa proxección da película “Cavernícola”. Este filme de animación infantil trata do cambio da Idade de Pedra á de Bronce, o que supón para os cavernícolas novos retos para non caer no dominio de Lord Nooth. Dug e o seu xabarín Hognonb, os protagonistas, xogarán un partido de fútbol para salvar a tribo.
Recordamos que o 3 de agosto as 22:15 proxectarase “Coco” e o venres 24 de agosto “Ferdinand” as 22:00.
O folclore de Xapón, da República de Buriatia, de Colombia e de Arxentina encherá mañá martes, 24 de xullo, ás 21.30h o Parque do Laxal en Rebordáns, na XIX Noite Internacional do Miño, organizada pola Escola de Baile e Música San Fins.
Cinema e música marcan o inicio da programación do Verán Cultural en Tui.
A música encherá o verán tudense nos distintos actos previstos dende esta fin de semana até o mes de setembro. A programación, que inclúe tamén cinema, deporte e gastronomía, foi presentada este mediodía na casa do concello. Esta oferta cultural vén recollida no número 36º da Axenda Corredoira Cultural da que se editan 15 mil exemplares que son distribuídos en Tui e Valença. Esta publicación achega tamén a programación de outono/inverno conformada por oito eventos que se celebrarán no Teatro Municipal de Tui de outubro a decembro.
